Malipayong nakighimamat ni Gob. Art Yap ang mga nagkalain laing grupo sa kababayen-an sa lalawigan sa Bohol atol sa gipahigayon nga Provincial Women’s Congress sa Bohol Wisdom School gymnasium sa tema nga “Agenda ng Kababaihan Tungo sa Kaunlaran”.

Atol sa maong kalihukan, gipasidunggan sa gobernador ang sa mga kababayen-an sa ilang katungdanan ug sakripisyo Isip usa mga nagdala sa katilingbang Bol-anon.

Matud pa ni Gob. Yap, dako ang kaakuhan sa atong mga kababainhan kay sa bisan asa nga natad ug sa tanan klase nga
trabaho, anaa sila.

“Agi’g pasidungog sa mga kababayen-an, aduna kita’y ihatag nga mga tinuyong programa para kanila, sama sa livelihood o kapanginabuhian. Gusto ko nga makahibaw mo unsa kadako ang akong pagtamod kaninyo diha sa inyong katungdanan sa atong katilingban sa Bohol. Grabe ang inyong sakripisyo sa paghatag og gahom sa mga kababayen-an ug labi na diha sa inyong mga papel isip inahan sa inyong mga pamilya.”


Gov. Art Yap

Isip pag-ila kanila, si Gob. Yap nagsaysay sa mga tinuyong programa nga gimugna para sa mga kababainhan sama sa pag-apud-apud ug freezers ubos Sa Assistance for Rural Transformation (ART) Livelihood Assistance Grant. Gihimo kining maong programa aron aduna silay
magamit para makabaligya sila ug mga processed goods para sa ilang panginabuhian.

Gitugyan usab ngadto sa mga women’s presidents ang mga kitchen utensils nga nagkantidad ug dili mokuwang Php 5M ubos sa Livelihood Assistance Program for Women’s Association (LAPWA). Nakadawat usab ang matag usa og food packs.

Mitambong sa maong kalihokan sila si Cong. Edgar Chatto, BM Ricky Masamayor, BM Aldner Damalerio, Mayor Janet Garcia, Former BM Jaja Jumamoy, Former Board Member Benjie Arcamo, Nathan Binlod, Carmelita Tecson (OPSWD), Emmie Roslinda, ug Petra Ocio (BOFWA
President).

** Ang artikulo unang ninggawas sa “Buhat ug Pasultihon” newsletter, ika-6 nga gula, tuig 2022

Para sa dugang updates mahitungod sa mga proyekto ug aktibidad sa Kagamhanang Probinsyal sa Bohol, susiha ang:

Provincial Government of Bohol |Sangguniang Panlalawigan of Bohol | PrIMeR Bohol | Art Yap | Rene Lopez Relampagos