Nagpadayon ang trabaho sa pagpabalik sa mga komunikasyon ug linya sa kuryente human sa 50 ka adlaw sukad giguba ni Odette ang Bohol. Ang National Grid Corporation of the Philippines (NGCP) nagbutang og temporaryo nga mga towers sa Ubay aron makonektar og balik sa tinubdan sa kuryente sa Leyte. Pebrero 15 ang target sa NGCP nga mobalik na sa normal power ang kuryente sa lalawigan. Kini bisan pa nga ang Boheco 1, 2 ug Bohol Light Company Inc.(BLCl), ang mga distribution utilities, naningkamot sa pag-ayo sa kapin sa 11,205 ka mga poste sa kuryente nga gitumba sa bagyo.

Samtang nagpa-abot sa pagbalik sa kuryente, ang Provincial Government of Bohol (PGBh) nag-apod-apod og 91 ka power generator sets ug 34 ka unit ang gigahin ngadto sa water refilling stations sa 23 ka lungsod aron ang mga lokal nga komunidad makapagawas og kaugalingong tubig nga mainom. Gipakatap usab ang mga mobile water treatment system sa nagkalain-laing lungsod sa Bohol.

Pinaagi sa paningkamot ni kanhi Presidente ug kanhi Speaker of the House Gloria Macapagal-Arroyo, upat ka mobile desalination pumps ang naapod-apod sa mga islang barangay sa Jetafe, Bien Unido ug Talibon.

Ang Asian Shipping, Phil. Navy, Visayas Command, 302 Brigade, 47th IB, ug ang Phil. Coast Guard ang nagpadagan sa mga kargamento sa suplay ngadto sa mga isla.

…ang PGBh naka-apod-apod na ug kapin sa 208,973 ka food packs ngadto sa tanang LGUs sa Bohol. Ang DSWD nakahatag usab og 219,080 ka food packs.

Sa laing bahin, ang PGBh naka-apod-apod na ug kapin sa 208,973 ka food packs ngadto sa tanang LGUs sa Bohol. Ang DSWD nakahatag usab og 219,080 ka food packs. Adunay mga donasyon usab gikan sa mga pribadong sektor sama sa World Vision, 1,300; Federation of Filipino Chinese Chamber of Commerce & Industry Inc., 10,736; Ramon Aboitiz Foundation Inc., 27,023; Tzu Chi Foundation, 20,128; Gift of Life, 7,000. Naa usab mga nanghatag og hot meals, sama sa NGCP nga minghatag og 19,500 ka packs ug ang Phil. Red Cross nga minghatag og 7,900 ka hot meals. Ang pag-apod-apod sa mga food packs ug tubig magpadayon.

Kabahin sa housing, ang Housing and Urban Develooment Coordinating Council (HUDCC) ug ang National Housing Authority (NHA), sa mando ni Pres. Rodrigo Duterte, naglaraw nga direktang maghatod og mga housing materials ngadto sa katawhan nga nawad-an og puloy-anan. Gibutyag usab sa Presidente ug sa DSWD nga adunay initial download nga P131.6 M nga ayuda diretso sa mga apektadong lungsod alang sa pasiuna nga pag-apod-apod sa mga biktima. Dugang mga lungsod ang makadawat sa ilang bahin sa umaabot nga mga adlaw.

** Ang artikulo unang ninggawas sa “Buhat ug Pasultihon” newsletter, December-January 2022.


Para sa dugang updates mahitungod sa mga proyekto ug aktibidad sa Kagamhanang Probinsyal sa Bohol, susiha ang:

Provincial Government of Bohol |Sangguniang Panlalawigan of Bohol | PrIMeR Bohol | Art Yap | Rene Lopez Relampagos