Gob. Art Yap nanguna sa pagpirma sa Provincial Ordinance No. 2022-022 nga magtukod sa Bohol Medical Scholarship Program karong adlawa.

Puno sa emosyon ug dakong kalipay sa atong gobernador nga nakig-atubang sa atong mga medical frontliners atol sa pagpirma sa bag-ong ordinansa nga nagtukod sa Bohol Medical Scholarship Program para sa atong mga kabatan-onang Bol-anon.

Matud pa ni Gob. Yap, aron nga adunay malungtaron nga sistema sa panglawas ang atong lalawigan, angayan nga atong ibalanse ang preventive ug curative nga side sa ug kinahanglan nga atong matubag ang mga gaps.

Usa sa gipakdak-an sa administrasyon ni Gob. Yap mao ang pag-amoma ug pag-atiman sa atong mga kaigsuonan nga huyang ug makaluluoy, mao nga duol sa iyang dughan ang kining maong programa ug dako ang iyang pasalamat sa atong Bise-Gobernador ug sa mga Board Members sa suporta sa maong programa ug mao na kini ang sugod sa mas dagkong hagit para sa atong lalawigan hilabi na sa matang sa panglawas.

Sa laing bahin, ang atong Bohol Medical Society masigarbuhon ug mapasalamaton sa liderato ni Gob. Art Yap sa paghimo sa maong programa. Matud pa ni Dr. Mardy Fortich (President, Bohol Medical Society), ang atong mga doktor walay kabutangan sa kalipay nga mamahimo na gyod kining programa. Dugang pa niya, usa ni ka lakang nga maka-prodyus kita ug mga bag-ong doktor nga adunay kasing kasing para sa atong mga katawhan.

Gawas pa niini, dako usab ang kalipay ni Dr. Yul Lopez (BIATF Medical Cluster-Head) nga hugot kaayo ang suporta ni Gob. Yap sa kahimsog sa katawhan sa Bohol. Matud pa niya, usa kini ka lakang padung sa husto nga direksyon ug kitang tanan magtinabangay makatagamtam kita ug mas maayo nga sistema sa panglawas sa atong lalawigan.

Ang Bohol Medical Scholarship Program usa ka programa diin naghatag kini sa mga kwalipikado ug takus nga estudyante ug tuition fees, laboratory, miscellaneous, ug uban pang mga galastohan sa eskwelahan sa kantidad nga dili molapas sa P200,000.00 matag semester. Naghatag usab kini sa eskolar ug tabang alang sa mga libro, uniform, board & lodging, ug transportation allowance sa kantidad nga P30,000.00 matag semester.

Dugang pa niini, ang maong programa naghatag usab og tabang pinansyal alang sa Post-Graduate Internship sa kantidad nga P25,000.00 ug laing usa ka higayon nga Pinansyal nga Tabang sa kantidad nga P50,000.00 sa tibuok nga gidugayon sa licensure review ug eksaminasyon.

** Ang artikulo unang ninggawas sa Art Yap Facebook page:

https://www.facebook.com/artcyap/posts/518116306346896

Para sa dugang updates mahitungod sa mga proyekto ug aktibidad sa Kagamhanang Probinsyal sa Bohol, susiha ang:

Provincial Government of Bohol |Sangguniang Panlalawigan of Bohol | PrIMeR Bohol | Art Yap | Rene Lopez Relampagos