Mapahiyumon ug malipayon kaayo si Gob. Art Yap atol sa iyang pagtambong sa asembleya sa mga Barangay Health Workers (BHW) sa 3 ka distrito didto sa Bohol Wisdom School (BWS) gymnasium.

Mapasalamaton ang gobernador sa mga BHW diin sila ang unang responsable sa pagkuha ug mga datus sa kondisyon panglawas sa pamilyang Bol-anon aron masiguro ang kapiskay sa panglawas labi na nga ubos pa ang lalawigan sa pandemya ug gikan nga gikusokuso sa bagyong Odette.

Atol sa asembleya, gitunol usab sa gobernador ang mga barangay Covid-19 health kits ug honorarium sulod sa buwan sa Hulyo hangtud Disyembre. Gipasaka-an ni Yap ang honorarium isip pasalamat sa mga BHW sa ilang walay puas nga pagserbisyo ug sakripisyo sa mga katawhan aron napugngan ang paglaganap sa COVID-19 sa lalawigan

Gipaabot usab sa gobernador ang kasamtangang kahimtang sa Bohol human naigo sa bagyong Odette ug kon unsa ang mga lakang nga gibuhat sa kagamhanang probinsyal para matabangan ang mga kaigsuonan sa mas dali nga panahon.

Sa laing bahin, gipangusgan usab sa Provincial Health Office (PHO) ang kampanya kontra dengue pinaagi sa upat ka mga lakang nga angay pagabuhaton aron malikayan ang maong sakit. Si Mr. Leonides Saniel, RN sa Provincial Dengue Program ang coordinator sa maong programa.

** Ang artikulo unang ninggawas sa “Buhat ug Pasultihon” newsletter.


Para sa dugang updates mahitungod sa mga proyekto ug aktibidad sa Kagamhanang Probinsyal sa Bohol, susiha ang:

Provincial Government of Bohol |Sangguniang Panlalawigan of Bohol | PrIMeR Bohol | Art Yap | Rene Lopez Relampagos