PAGPUYO sa balay ug ipakita ang imong talento pinaagi sa facebook aron luwas ka na, may premyo ka pa.

Gilusad ni Gob. Arthur Yap ang kompetisyon alang sa tanang Bol-anon nga samtang nag-urong sa balay tungod sa COVID-19, mopakita sa ilang talento sa tigmo-tigmo, pagluto, ug paghimo’g awit.

Kini gitawag sa gobernador og “Cure with Arts and Culture” Contest nga gipasiugdahan sa kagamhanang probinsiyal ug Bohol Arts and Cultural Heritage (BACH) Council.

Online ang kompetisyon ug pakisayud lang sa mekanismo pinaagi sa fb page sa BACH.

Ipahibalo pinaagi usab sa facebook ang mga mananaug ug ilang premyo.Kini matud sa gobernador laing paagi sa paghupay sa kalaay sa sud sa balay samtang likayan ang kagaw ug apil pang mohimsog ang arte ug kulturang Bol-anon. (PRIMER, Ven rebo Arigo)